Mga barkers, nakabaton sang masobra tunga sa milyon nga livelihood assistance sa panahon ni anay Mayor Jed Mabilog
Iloilo City — Masobra P500,000 ang nahatag nga livelihood assistance sa mga barkers sa panahon ni anay Mayor Jed Patrick Mabilog.
Base sa record, 103 ka barkers ang nakabaton sang tag-P5,000.
Nagalab-ot sa P515,000 ang napaguwa sang syudad agud bayaan sang mga barkers ang ila trabaho nga illegal base sa Anti-Barker Ordinance sang syudad.
Apang natalupangdan ni Public Safety and Transportation Management Office (PSTMO) Head Jeck Conlu nga padayon ang mga barkers sa ila ginahimo gani plano niya nga i-accredit ang mga ini kag hatagan sang assistance ukon honorarium agud makabulig man sila sa gobierno kag mapalayo sa illegal nga mga aktibidad. (JoMaque)