PRO 6, magapatuman sang pagbalasa sa mga City kag Provincial Directors sa Western Visayas

Iloilo City — Ginkumpirmar ni Police Regional Office 6 spokesperson Supt. Joem Malong nga may ipatuman nga pagbalasa sa mga city kag provincial directors sa Western Visayas.

Suno kay Malong, may pila ka provincial directors nga duha ka tuig ukon masobra pa ang ila pagtiner sa isa ka lugar gani kinahanglan nga i-relieve.

Apang wala pa suno sa iya sang listahan kon anu nga mga probinsya ang may relief order bangud gina-evaluate ang ila mga performance.

Wala pa sang naaprobahan nga memorandum si PRO 6 regional director John Bulalacao angut sa relief kag reassignment sang mga city kag provincial directors.

Magahalin sa regional director ang mandu apang may approval ini halin sa PNP national headquarters suno kay Malong. (JoMaque)