(UPDATE) 10 ka pamilya nga nasunugan sa Calubihan, Jaro sang weekend, nagapabilin pa sa Jaro 1 Elementary School

Iloilo City–May napulo pa ka pamilya halin sa Calubihan, Jaro ang nagatiner sa Jaro 1 Elementary School kasunod sang sunog sang Sabado.

Suno kay Punong Barangay Rodney Guintibano, ginpasugtan nga magtiner sa isa ka classroom ang 10 ka pamilya tubtub sa Mierkules.

Samtang ang iban naman nga residente suno sa iya ang amat-amat nga nagbalik sa ila balay.

Sa subong suno sa kapitan, kinahanglan sang mga materyales para sa pagpatindog sang balay sang mga nasunugan.

23 ka balay ang totally damaged kag isa ang partially damaged sa Brgy. Calubihan.

Sa record sang Bureau of Fire Protection-Iloilo City, 68 ka balay ang totally damaged kag 11 ang partially damaged sa sunog sa Taytay Zone 2 kag Calubihan. (AGB)