Mga miembro sang NPA nga napatay sa engkuwentro sa San Jose, Antique, nagahimo sang extortion activities sa mga contractor sang on-going gov’t projects sa probinsya suno sa PRO 6
Iloilo City — (UPDATE) Ginkumpirmar ni Police Regional Office 6 Spokesperson Supt. Joem Malong nga nagahimo sang extortion activities sa mga contractor sang mga on-going government projects sa sa Antique ang mga napatay nga miembro sang New Peoples Army sa Brgy. Atabayan, San Jose las 12:10 kaina sang kaagahon, Agosto 15.
Base ini sa mga extortion materials nga narecover sa balay nga ginatineran sang mga rebelde suno kay Malong.
Lakip man sa mga narecover ang mga pusil, eksplosibo, gadgets, salakyan kag kuwarta.
Nagapalapit sa lugar ang mga pulis kag mga suldado sang ginhaboyan sila sang granada sang mga rebelde.
Naglawig sang ginabanta sa 33 minutos ang tiruhay sa diin pito ka rebelde ang napatay samtang isa ang nakapalagyo.
Serbihan kuntani sang warrant of arrest sa kaso nga frustrated murder sanday Jason Talibo alyas Bebe sang Indaluyon, Igbaras kag Joven Seralvo Alias ka Lex sang ginpahayag nagbatu sa mga pulis kag suldado.
Nagapabilin nga at large si Seralvo. (JoMaque)