8-anyos nga bata nga ati, nagreklamo nga ginhimuslan sang kapareho nga ati sa Barotac Viejo; pamilya sang bata, pursigido nga magpasaka sang kaso

Iloilo — Nagreklamo ang walo ka tuig nga bata nga ati nga ginhimuslan siya sang 16 anyos nga ati sa Barotac Viejo sang Agosto 14.

Ginconfirmar ni Chief Inspector Joven Arevalo, hepe sang Barotac Viejo Police Station, nga nagparecord ang bata kag gintudlo ang suspek nga naghimulos sa iya sa ila balay. May ginkadtuan ang ginikanan sang bata gani wala sang tawo sa balay.

Yara na sa custody sang police ang 16 anyos apang nanginwala suno kay Arevalo sa akusasyon. Iga-turnover in sa DSWD bangud nga menor-de-edad.

Ginpa-medical exam naman ang bata kag ginahulat na lang ang resulta agud mafile ang kaso.

Pursigido ang ginikanan sang walo ka tuig nga bata nga ati nga magpasaka sang kaso nga rape batuk sa 16 anyos nga ati.

Suno kay  Arevalo,  ginahulat na lang nila ang resulta sang medical examination sa bata. Iga-turnover naman ang 16 anyos sa DSWD apang nagapanginwala ini sa akusasyon.

Nahibaluan ang natabu sa bata sang nakita sang ginikanan ang dugo sa iya palda sang nagpauli halin sa eskwelahan. (JoMaque)