IPPO Director Marlon Tayaba, nagmandu sang hugot nga seguridad sa posible pagtimalos sang NPA kasunod sang pagkapatay sang ila mga miembro sa Antique

IPPO Headquarters–Indi maghatag sang kumpiyansa ang Iloilo Police Provincial Office sa ila seguridad kasunod sang encounter sa Barangay Atabay, San Jose, Antique nga nagresulta sa kamatayon sang pito ka miembro sang New People’s Army.

Ginmanduan ni IPPO Director PSSUPT Marlon Tayaba ang mga police stations sa probinsya nga hugton ang seguridad kag magpanghanda sa posible pagtimalos sang mga rebelde.

Partikular nga ginapapreparar ni Tayaba ang mga ginakabig vulnerable police stations nga puwede mangin target sang pag-atake sang armado nga grupo.

Nangin leksyon na suno sa iya sa kapulisan ang natabu sa Maasin Police Station nga ginsulod kag ginkawatan sang mga pusil sang mga rebelde nga NPA. (AGB)