CAFGU member nga suspek sa pagtiro patay sa detachment commander sa Capiz, posible nagdumot sa biktima suno sa police
Tapaz, Capiz–Posible nga nagdumot si Bonny Jimenez, 39-anyos nga CAFGU member, suspek sa pagtiro-patay kay Staff Sergeant Ronilo Esoy, detachment commander sang 12th Infantry Battalion sang Philippine Army sa Barangay Daan Banwa Sur kagab-i, Agosto 16.
Suno kay PSI Edwin Luces, hepe sang Tapaz Municipal Police Station, naglisensiya si Jimenez kay Esoy nga magpakigkita sa iya asawa kag anak agud giyahan nga magtabok sa suba.
Ginpasugtan man ini nga makalakat pero pagkahapon liwat nga naglisensiya ang suspek gani nakabuya sang malain nga tinaga ang biktima.
Pagkagab-i, nagsulod si Jimenez sa admin office kag gintiro ang biktima gamit ang m16 riffle.
15 ka empty shells ang narecover sa crime scene. (AGB)