(UPDATE) 15 anyos nga dalagita nga bata sang pulis sa Zarraga, kritikal gihapon sa ospital matapos natiruhan

Zarraga, Iloilo—Posible kontra ni anay PO1 Edwin Maprangala ang suspek nga nagtiro sa iya 15 anyos nga bata nga babaye kahapon, Agosto 16.

Ini ang isa sa mga anggulo nga ginasunod sang police suno kay PINSP Stanley Mendoza, hepe sang Zarraga Police Station.

Nakita na lang ang dalagita nga duguon na sa hulot sang balay kahapon sang aga.

Sa imbestigasyon sang Zarraga police, posible nga ginlabayan lang sang suspek ang balay ni Maprangala kag ginpalukpan. Ginpahayag ni Maprangala nga nakabati siya sang duha ka lupok antes nakita nga duguon ang iya bata.

Gin-ako sang anay pulis nga may pamahug siya sa kabuhi suno kay PINSP Mendoza.

Kritikal ang dalagita sa ospital bangud sang igo sa ulo. (AGB)