Amay, patay sang nagbitay sang kaugalingon sa Pototan

Pototan, Iloilo–Nasapwan nga nagabitay sa balayan ang 33 anyos nga lalaki sa isa ka barangay sa Pototan alas 12:10 kaina sang kaagahon, Agosto 18.

Suno kay PCI Ronnie Brillo, hepe sang Pototan MPS, problema sa pamilya ang ginapatihan rason sang paghikog ni alyas Daryl.

Ginpahayag nga nag-away si Daryl kag iya asawa bangud ginkuha sang asawa sa poder sini ang ila bata sa bulig sang taga-Department of Social Welfare and Development ukon DSWD.

Gindala pa sa ospital si Daryl apang gindeklarar nga dead-on-arrival. (AGB)