Magulang, ginbuno sang iya manghod sa San Enrique

San Enrique, Iloilo–Na-ospital ang 64 anyos nga lalaki sang ginbuno sang iya manghod sa Barangay Dacal kaina sang kaagahon, Agosto 18.

Suno kay PSI Fernando Punzalan, hepe sang San Enrique MPS, hinubog ang posible rason sang pagbuno ni Teddy Patiño, 62 anyos sang nasambit nga lugar, sa iya magulang nga si Hendril bangud wala man sang may gin-awayan ang mag-utod.

Napilasan sa wala nga parte sang tiyan ang biktima kag padayon nga ginabulong sa Western Visayas Medical Center.

Preso naman sa San Enrique Police Station ang suspek kag natalana pasakaan sang kaso. (AGB)