Halos katunga sang mga PNP applicants sa pagka-PO1 subong nga 2018, wala nakapasar sa neuro psychiatric exam suno sa PRO 6
Iloilo City — Malapit sa katunga sang Philippine National Police ukon PNP applicants para sa pagka-Police Officer 1 ang wala nakapasar sa Nuero- Psychiatric Examination subong nga 2018.
Ini ang base sa record sang recruitment office sang Police Regional Office ukon PRO-6.
Suno kay PRO-6 Spokesperson Joem Malong, sa 1,070 ka mga passers, 347 ang wala nakapasar.
723 naman ang ginrekomendar para sa masunod nga medical examination.
Paathag ni Malong, isa ang neuro-psychiatric examination sa pila ka maid-id nga tests agud takson ang pasensiya, paminsaron kag pamatasan sang aplikante. (JoMaque)