3 ka pulis nga napilasan sang ginpalukpan sang improvised explosive device sang NPA sa Leon, pasidunggan sang Police Regional Office 6

Iloilo–Pasidunggan sang Police Regional Office ukon PRO 6 ang tatlo ka pulis nga pilason sang ginpalukpan sang improvised explosive device ukon IED sang miyembro sang New People’s Army  nga ila naka-engkwentro sa Leon sang Agosto 24.

Ini ang ginconfirmar ni Iloilo Police Provincial Office Director PSSUPT Marlon Tayaba. Suno kay Tayaba, pasidunggan ni PRO6 Director PCSUPT John Bulalacao ang mga pilason sa flag-raising ceremony sa Kampo Delgado buwas, Agosto 28.

Napilasan sanday PCI Abner Jordan, team leader sang Iloilo Provincial Mobile Force Company, PO2 Rosenie Lebuna kag PO1 Mark Ringo Fernando.

Pasalig naman ni Tayaba, padayon ang police sa pagbantay sa kalinong kag katawhay sang probinsya. (AGB/NG)