Subject sang drug buy bust operation sa Molo, patay matapos nga ginpahayag nagbato sa mga pulis; subject, makabig nga high value target drug personality suno sa RDEU

Iloilo City–Patay ang subject sang drug buy bust operation matapos nga ginpahayag nagbato sa pulis nga poseur-buyer sa Barangay San Juan, Molo pasado alas-11 kaina sang aga.

Ginkilala ang subject kay Alex Blanca alyas Ruthfield. Suno kay Senior Inspector Kennith Bermejo, team leader sang Regional Drug Enforcement Unit, pusher ang classification kay Blanca kag ginpahayag nga downline sang detained HVT drug personality nga si Mohan Mino.

Ginpahayag ni Bermejo nga nagbato si Blanca sang gindeklarar sang poseur-buyer nga arestado ini.

Lakip sa recoveries ang lima ka sachets sang suspected shabu lakip ang buy bust item, Php 15, 200 nga buy bust money, isa ka cellphone, isa ka hand grenade, isa ka 38 caliber revolver kag anum ka bala. (AGB)