Capizeño athlete nga bronze medalist sa Asian Games, ginahalad sa mga pinoy ang medalya nga nakuha
Ginahalad sang Capizeño athlete nga si Dines Dumaan sa mga Filipino ang bronze medal nga iya nakuha sa Pencak Silat sa Asian games 2018 sa Indonesia.
Suno kay Dumaan, nagbunga ang iya ginpangabudlayan sa paghanas antes ang Asian Games.
Inspirasyon ni Dumaan ang iya pamilya, Dios kag mga Filipinos.
Ginpahayag sini nga ang medalya nga iya nakuha nagapakita nga may ikasarang ang mga Pinoy sa mga international sports events.
Si Dumaan ang tumandok sang Panit-an, Capiz kag gold medalist sa SEA Games 2017 sa amu man nga hampang. (JoMaque)