Lalaki sa Badiangan nga ginpahayag may deperensya sa paminsaron nga nagtiro sang kaugalingon, napatay samtang ginabulong sa ospital

Badiangan, Iloilo (UPDATE) — Napatay samtang ginabulong sa ospital ang lalaki nga nagtiro sang kaugalingon sang Agosto 26.

Ginkumpirmar ni Chief Inspector Dennis Pamonag, hepe sang Badiangan MPS, nga napatay alas 9:30 kahapon sang aga, Agosto 27, si alyas Bem bangud sang pilas sang pagkatiro sa iya dungan-dungan.

Si Bem ang may deperensya sa paminsaron suno sa iya pamilya.

Nasapwan sang iya amay si Bem nga duguon sa sulod sang kuwarto matapos ini nakabati sang lupok samtang nagabakal sang sigarilyo. (AGB)