2 ka balay, totally burned; 4 partially damaged sa sunog sa city proper

Iloilo City— Duha ka balay ang totally burned kag apat ang partially damaged sa sunog sa Duran Street, Veteran’s Village, City Proper kaina sang hapon, Agosto 28.

Naupos ang balay ni Reynaldo Lorenzo nga ginhimo na nga boarding house kag Ireen Pabilona samtang partially burned ang balay nanday Alexander dela Cruz; Ismael dela Cruz; Carlos Salvo; kag Dexter Colacion.

Ginpahayag nga nagsugod ang kalayo sa boarding house apang padayon ang imbestigasyon sang Bureau of Fire Protection. Ginahibalo man sang BFP ang kahalitan sa sunog. (AGB)