Small Town Lottery sa probinsya sang Iloilo, may bag-o na nga operator suno sa PCSO; operasyon, posible nga masugod sa Setyembre

Iloilo–May bag-o na nga operator ang Small Town Lottery sa probinsya.

Ginconfirmar ni Atty. Romel Duron, isa sa mga abogado sang Red Subay Gaming Corporation, nga gin-grant sang Philippine Charity Sweepstakes Office ang ila application agud mag-operate sang STL sa probinsya.

Ginapabayad ang korporasyon sang 111 milyones pesos nga performance bond kag 27.7 million pesos nga authorization fee sa sulod sang 15 ka adlaw matapos nabaton ang notice of approval sang PCSO. Suno kay Duron, nabaton nila ang notice sang nagligad nga semana kag posible magabayad buwas agud makasugod liwat operate ang STL sa Setyembre.

Ginahulat pa man suno kay Atty. Duron ang gaming machine kag nagasugod naman sila panghire para sa mga organic employees. Plano sang korporasyon nga ibutang gihapon sa Sta. Barbara ang ila opisina.

Ang Red Subay Gaming Corporation ginabug-usan sang mag-amay nga Marasigan sa Batangas kag may nagpartner man halin sa Mindanao kag sa Iloilo.

Una na ginterminate sang PCSO ang authority to operate sang Eagle Crest Gaming Corporation. (AGB)