DPWH kag contractor sang delay nga road project sa San Antonio, Molo, hatagan snag syudad sang kahigayunan nga magpaathag sa delay nga pag-obra sang karsada

Iloilo City — Hatagan sang syudad sang kahigayunan ang Department of Public Works and Highways kag Legacy Construction agud magpa-athag sa delay nga road project sa San Juan Street, San Antonio, Molo.

Pahayag ini ni City Administrator Atty. Hernando Galvez kadungan sa pagconfirmar nga wala sila nakabaton sang request para i-extend ang road closure sa ginakay-o nga dalan. Dapat kuntani suno kay Galvez, naghingyo na sang extension sa road closure ang DPWH ukon contractor antes pa natapos ang kontrata.

Posible suno kay Galvez nga irekomendar niya ang paghatag sang penalidad sa mga contractors sang delay nga road projects sa syudad paagi sa pagpasar sang ordinansa.

Natapos na ang kontrata sang Legacy Construction kag ang 45 diyas nga ginkomiter nila sa DPWH sa ginakay-o nga dalan San Antonio, Molo apang wala gihapon natapos ang proyekto kag nagapabilin ang road closure. (JoMaque)