Mga drivers sang transport group ICLAJODA, nakapreparar na sang mga sinsilyo sa implementasyon sang duha ka pesos nga saka sa pletehan buwas

Iloilo City–Nakapreprarar na sang sinsilyo ang mga drivers sang public utility jeepneys sa implementasyon sang 2 ka pesos nga saka sang pletehan sugod buwas, Agosto 30.

Ini ang ginpasiguro ni Iloilo City Loop Alliance of Jeepney Owners and Drivers Association ukon ICLAJODA President Raymundo Parcon matapos ginsapol ang iya mga miyembro bilang preparasyon.

Suno kay Parcon, daku nga bulig kon may sinsilyo agud malikawan ang pagbinaisay sang pasahero kag driver.

Ginhingyo man sang taga-ICLAJODA ang mga paseharo nga magpreparar sang sinsilyo.

Ginpahanumdom ni Parcon ang iya mga drivers nga indi magpanukot sang dugang nga plete kon wala sang natapik nga bag-o nga fare matrix sa ila jeep. (AGB)