(UPDATE) Iloilo Police Provincial Office, may persons of interest na sa pagtiro patay sa maestro sa Passi City

IPPO Headquarters, Sta. Barbara, Iloilo–May persons of interest na ang Iloilo Police Provincial Office sa nagtiro-patay sa maestro sa Passi City sang Agosto 24 sang gab-i.

Apang nagbalibad si IPPO Director PSSUPT Marlon Tayaba nga isugid ang identity sang mga suspetsado nga nagtiro kay Nicanor Labo bangud sa nagapadayon nga imbestigasyon.

Daku nga bulig suno sa iya ang CCTV cameras sa pila ka establisiemento palibot sang crime scene agud identify ang mga suspek kag kun diin sila naka-istambay antes ang pagtiro sa maestro.

Ginpahayag ni Tayaba nga duha ka anggulo ang ginasundan sang Passi City police apang indi pa sini mabuyagyag. (AGB)