Bag-o nga pletehan, nag-epekto subong nga adlaw; apang nakakuha sang bag-o nga fare matrix sa syudad, 70 porsyento pa lang suno sa LTFRB

Iloilo City–70 porsyento na sang mga depasahero nga jeep sa syudad ang nakuhaan sang bag-o nga fare matrix para sa implementasyon sang duha ka pesos nga saka sa pletehan sugod subong nga adlaw, Agosto 30.

Suno kay Ms. Janette Solinap, chief sang Transportation and Development Office sang LTFRB 6, amat-amat naman nga nagakuha sang taripa ang mga jeepney units sa mga probinsya paagi sa ila transport associations. Sa record sang LTFRB 6, 30 porsyento pa lang sa mga jeepney units sa rehiyon ang nakakuha sang fare matrix.

Sa subong, wala sang may nabaton nga reklamo ang LTFRB 6 angut sa implementasyon sang saka sa pletehan.

Ginapahanumdom ni Solinap ang mga drivers kag jeepney operators nga Php 5,000 ang multa sa first offence kon manukot sang bag-o nga pletehan nga wala sang taripa. (AGB)