(UPDATE) Philippine Army, nagtudlo sa NPA ang nga-ambush sa salakyan sang mga empleyado sang power company kag naka-engkwentro sang mga soldado sa Igcabugao, Igbaras sang Agosto 29

Iloilo–Gintudlo sang Philippine Army nga mga katapo sang New People’s Army (NPA) ang nag-ambush sa salakyan sang mga empleyado sang Century Peak Energy Corporation kag na-engkuwentro sang mga suldado sa Barangay Igcabugao, Igbaras kahapon, Agosto 29.

Suno kay Colonel Benedict Arevalo, commander sang 301^st Brigade sang Philippine Army, ka-grupo sang mga napatay nga mga rebelde sa Brgy. Atabay, San Jose, Antique ang mga NPA members sa Igbaras. Mga miembro suno sa iya sang Southern Front Committee sang NPA ang mga nang-ambush nga rebelde.

Nagapati si Arevalo nga extortion ang motibo sa insidente bangud posible nga ginakilkilan sang mga rebelde ang korporasyon apang wala nagahatag.

Natabuan suno sa iya nga yara malapit sa lugar ang mga soldado gani nakaresponder kag naka-engkuwentro  ang mga rebelde.

Napilasan sa insidente si Shela Mae Esteves, 28 anyos nga Safety Officer sang Century Peak nga estable na ang kondisyon sa ospital. (AGB)