PSTMO, may nasumiter nga report sang mga business establishments nga naglapas sa EO 146 subong nga tuig

Iloilo City— May nahimo nga report ang Public Safety and Transportation Management Office ukon PSTMO sang mga business establishments nga naglapas sa Executive Order Number 146 nga nagapasirado sa mga establishments nga nagabaligya sang makahulubog nga ilimnon halin alas 2 sa kaagahon subong nga 2018.

Ini makaligad ang pahayag sang Business Permit and Licencing Office ukon BPLO nga wala sang may nabaton nga report halin sa PSTMO.

Sa pagkadumdom ni Conlu may indi magnubo sa napulo ka mga pangalan sang mga business establishment nga naglapas sa EO ang nahimuan sang report sang iya opisina.

Hibaluon lang ni Conlu kun sa diin nasumiter ang report bangud posible nga gin-derecho ini sa City Legal Office ukon Mayor’s Office.

Bisan indi regular ang monitoring sang PSTMO padayon man ang ila pagpakig-angot sa mga police stations agud makakuha sang blotter reports sang mga commercial establishments nga nagalapas sa EO. (JoMaque)