PUNONG BARANGAY SANG ALDEGUER, SARA, PATAY SANG GINPAHAYAG NAGBATU SA PULIS SA BUY BUST OPERATION

Sara, Iloilo — Patay ang incumbent punong barangay sang Aldeguer matapos ginpahayag nagbatu sa mga pulis sa buy bust operation sang Sara police kag Provincial Drug Enforcement Unit (PDEU) pasado las 11 kagab-i, Setyembre 5.

Suno kay Senior Inspector Ascension Ortizo, hepe sang Sara Municipal Police Station, nabaklan sang duha ka sachets sang police poseur-buyer si Punong Barangay Rex Lagura.

Gilayon ini nga nagsulod sa iya balay bangud namutikan nga pulis ang iya katransaksyon.

Sang ginsundan ini sang mga police, nagpalupok sang pusil ang kapitan kabangdanan nagbalos man ang mga police.

Naigo ang kapitan sa ulo, tuo nga abaga kag dughan nga nagresulta sa iya kamatayon.

Narecover sa kapitan ang .38 caliber revolver, masobra P2,000 nga buy bust money, 2 ka buy bust items kag 20 ka sachets sang suspected shabu. (JoMaque)