1 patay, 3 pilason sa aksidente sa Lambunao

Lambunao, Iloilo — Isa ang patay, tatlo ang pilason sa aksidente sa Barangay Maite Pequeño, Lambunao pasado alas-8 kagab-i, Setyembre 8.

Gindeklarar nga dead-on-arrival sa Lambunao District Hospital si Sulpicio Losbañes Jr samtang may mga gasgas ang iya angkas sa motorsiklo nga si Rey Derecho. Lipong naman si Jose Elmer Subong nga driver sang isa pa ka motorsiklo kag may mga gasgas man ang iya angkas nga si April Love Latoza.

Suno kay PO1 Reysan Larrosa sang Lambunao Police Station, una nga nagbunggu-anay ang duha ka motorsiklo. Sang nagbangon ang mga sakay agud i-check ang damage, nabungguan ang mga ini sang Toyota Revo nga ginamaneho ni Rhian Lebuna sang Walang, Lambunao. Nagsurrender sa police si Lebuna.

Malaka ang streetlights sa area nga natabuan sang aksidente suno kay PO1 Larrosa. (JoMaque)