Grupo sang opposition sa syudad, nagpreparar sang linyada para sa 2019 elections kon indi mag-alyansa sa ila si Mayor Joe Espinosa
Iloilo City — Nagpreparar sang ila linyada para sa 2019 elections ang grupo sang oposisyon sa syudad kon indi mag-upod sa ila si Mayor Joe Espinosa.
Ini ang ginbuyagyag ni Councilor Plaridel Nava kasunod sang kawad-an sang desisyon sang alkalde samtang nagahilapit ang filing sang certificate of candidacy (COC).
Suno sa konsehal, nahisugtan sang ila grupo nga kon mag-abot ang COC filing kag wala gihapon sang coalition kay Mayor Espinosa, magakadidato sa pagka-mayor si Dr. Pacita Gonzales; sa pagka-congressman si Councilor Joshua alim; samtang gin-ayo naman siya sang grupo nga magpadalagan sa pagka-vice mayor.
Apang kon may coalition sa alkalde, nahisugtan sang grupo nga maga-withdraw sa pagka-mayor si Dr. Gonzales kag maga-withdraw sa pagka-vice mayor si Nava.
Himoon naman nga kandidato sa pagka-vice mayor si Dr. Gold Gonzales; sa pagka-mayor si Espinosa kag sa pagka-congressman si Alim.
Ginpahayag ni Nava nga makapila na sila ka beses nga nag-istorya kay Espinosa agud mag-upod sa ila grupo apang nagarason ang alkalde nga malayo pa ang eleksyon.
Handa naman si nava nga bawi-on ang iya ginpromisa sadtu kag magpadalagan sa pagka-bise alkalde para sa oposisyon. (JoMaque)