ICPO Director Henry Biñas, nalakip sa pila ka police officials sa Police Regional Office 6 nga gin-reshuffle
Campo Delgado, Iloilo City–Nagpatuman sang reshuffling ang Police Rregional Office 6 sa pila ka opisyal sa Western Visayas sa tuyo nga ma-improve ang operational performance sang kapulisan.
Ginconfirmar ni PRO 6 Director PCSUPT John Bulalacao nga ginrelieve sanday Iloilo City Police Office Director PSSUPT Henry Biñas; Capiz Police Provincial Office Director PSSUPT Samuel Nacion; Guimaras Police Provincial Office Director PSSUPT Julio Gustilo Jr; Regional Headquarters Support Group Chief PSSUPT Martin Defensor Jr; Personnel Division (R1) Chief PSSUPT Danilo Fuentes kag Regional Mobile Force Battalion Head PSUPT Roderick Minong.
Base sa relief order, magabulos sa ICPO si PSSUPT Defensor samtang si Biñas ang magapungko sa R1. Halin sa R1, sayluhon sa Capiz PPO si PSSUPT Fuentes tal-os kay Nacion nga magabulos sa RHSG.
Magapungko naman nga Guimaras PPO Director si Minong tal-os kay Gustilo nga magapungko bilang hepe sang Regional Personnel Holding and Accounting Unit ukon RPHAU. Magapungko nga officer-in-charge sang RMFB si Supt. Leo Batiles nga deputy ni Minong. (AGB/NG)