Biyahe sang fastcraft kag RORO vessels halin Iloilo pa-Bacolod vice-versa, kanselado subong nga adlaw

Iloilo–Kanselado ang biyahe sang fastcraft kag RoRo vessels halin Iloilo pa-Negros kag vice versa subong nga adlaw, Setyembre 15.

Ini ang ginpahibalo ni Lieutenant Commander Rodolfo Dela Peña, Station Commander sang Coast Guard-Iloilo bangud sang gale warning nga ginpaguwa sang PAGASA tuga sang Bagyo Ompong.

Kanselado man ang biyahe sang mga pump boats halin Iloilo pakadtu Jordan kag Buenavista, Guimaras.

Suno kay Dela Peña, samtang indi mabawi sang PAGASA ang gale warning, indi man makapadayon sa pagbiyahe ang mga sakayan pandagat. (AGB)