Kumpleto nga line-up sa 2019 elections ni Congressman Jerry Treñas nga mapadalagan mayor, mahibaluan subong nga semana

Iloilo City–Mahibaluan subong nga semana ang kompleto nga line-up ni Lone District Congressman Jerry Treñas para sa 2019 elections.

Suno sa kongresista, iga-finalize niya ang iya linyada kag iga-anunsyar subong nga semana. Halos kompleto naman suno sa iya ang iya mga konsehal.

Wala naman ginsabat ni Treñas ang pamangkot kon si former Councilor Jamjam Baronda ang iya mangin kandidato sa pagka-kongresista.

Kasunod ini sang naguwa nga impormasyon nga may nakakita kay Baronda upod sa mga personalidad nga identified kay Treñas sa isa ka restaurant kagab-i, Setyembre 16. (AGB)