Police Regional Office 12, wala pa sang natumod nga grupo nga nagpalupok sang IEDs sa General Santos kag Midsayap, North Cotabato

Wala pa sang may matumod nga grupo ang Police Regional Office 12 nga responsable sa pagpalupok sang improvised explosive device sa General Santos City kag Midsayap, North Cotabato kahapon, Setyembre 16.

Sa interview sang Aksyon Radyo Iloilo kay PRO 12 PIO PSUPT Aldrin Gonzales, wala pa sang may ginpaguwa nga report ang gintukod nga special investigation task group ukon SITG Bonita angut sa ila imbestigasyon sa insidente.

Gina-usisa man suno sa iya sang Explosive and Ordnance Division ang mga narecover nga fragments sang IED agud matumod ang grupo sa likod sang pagpamomba.

Sa pinaulihi nga data sang PRO 12, walo ang napilasan sa paglupok sang IED sa Gensan samtang wala sang may nasamaran sa insidente sa Midsayap.

Sa subong suno kay Gonzales, indi pa nila matumod kon may koneksyon ang paglupok sang IED sa pagpamomba sa Isulan, Sultan Kudarat sang nagligad nga bulan. (AGB)