Babaye, patay sang nalasakan sang mixer truck sa Jaro
Jaro, Iloilo City — Patay ang 64 anyos nga babaye matapos nalasakan sang mixer truck sa Barangay Ungka.
Suno sa driver sang mixer nga si Ronald Galito sang Pavia, wala sini nakita nga nagtabok ang babaye kag nakibot na lang nga nagtumbo ang iya mixer. Pero gin-alegar sini nga una nga nabungguan sang awto ang babaye.
Iga-review sang police ang kuha sang CCTV camera sa area agud mahibaluan kon matuod ang alegasyon sang driver sang mixer.
Suno naman kay alyas Boy, nabatian sini una ang lagapok kag nakita ang awto nga una nagbunggo sa biktima gani natumba ini kag nalasakan sang nagasunod nga mixer. Nagatindog si Boy sa tabok sang karsada sa diin nabungguan ang biktima.
May nakuha nga identification card sa bag sang biktima nga nakapangalan kay Virginia Deqiuo sang Sta. Barbara pero gina-verify sang police kon ini gid man ang biktima. (JoMaque)