(UPDATE) Pagkilala sa mga involved sa sex video scandal sa patyo sa Dueñas kag nag-upload sini sa social media, ginapa-imbestigaran ni Mayor Mamerto Pelopero III

Dueñas, Iloilo–Ginpa-imbestigaran ni Dueñas Mayor Mamerto Pelopero III sa police kag barangay officials ang sex video scandal nga kuha sa isa sa mga patyo sa banwa.

Wala pa nakita sang alkalde ang video apang nagbaskog suno sa iya ang huring-huring nga sa patyo sang banwa kuha ang amo nga video.

Kuntani suno kay Pelopero, wala na lang gin-upload sa social media sang nagkuha ang video bangud naghatag ini sang kahuy-anan sa banwa kag sa ginikanan kag pamilya sang mga pamatan-on nga nakuhaan sang video.

Luyag mahibaluan sang alkalde kun mga menor-de-edad ang mga yara sa video kag kun taga-diin sila.

Wala pa na-establisar kun sin-o gid ang nagkuha sang video. May naguwa nga istorya nga kuha ini sang tanod apang ginpanghiwala ini sang natungdan sa interview sang Aksyon Radyo News Team. (AGB)