2 dakup sa separado nga buy bust operation sa syudad
Iloilo City – Dakup ang Chinese national nga si Julius Chua Te, 32-anyos sang Jereos, Lapaz sa drug buy bust operation sa Brgy. Roxas Village, City Proper, pasado las 4 kaina sang hapon (September 19).
Suno kay Philippine Drug Enforcement Agency ukon PDEA 6 Director Emerson Margate, duha ka bulto sang suspected shabu nga may market value nga P624,000 ang na-recover kay Te.
Ginakabig ni Margate nga newly-identified drug personality si Te.
Samtang, nadakpan man si Stephen John Braza, 28-anyos sang Imperial 5, Mandurriao sa kasubong nga operasyon sa Brgy. Seminario, Jaro.
Na-recover kay Braza ang duha ka sachets sang suspected shabu lakip ang isa ka bulto kag P500 nga buy bust money. Ang duha ka operasyon ang gin-himo sang PDEA-6 kag Regional Drug Enforcement Unit ukon RDEU. (JoMaque)