December 7, 2021

2 ka opisyal sang AM radio station sa GenSan, dakup sa entrapment operation bangud sa ginpahayag pagpangilkil sa pastor

Read Time:1 Minute, 27 Second

South Cotobato — Arestado ang duha ka opisyal sang Bombo Radyo General Santos matapos ginreklamo sang pastor sang pagpangilkil sa iya sang milyones.

Sa interview sang Aksyon Radyo kay National Bureau of Investigation ukon NBI Saranggani District Office Head Regner Peneza, ginreklamo ni Pastor Joel Apolinario sang Kapa Community Ministry International Inc – Team Gensan sanday Bombo Radyo GenSan Station Manager Jonathan Macailing kag News Director Salvador Galano sang pagpangilkil sa iya sang Php 10-million.

Ini para untaton ang ginpahayag pagkomentaryo nanday Macailing kag Galano sa pyramiding scheme sang tagreklamo.

Suno kay Peneza, una na nga ginkilkilan sang mga gindakup si Apolinario sang Php 400,000.

Nadakpan kahapon, Setyembre 18, ang duha sa entrapment operation sang NBI sa mall sa GenSan.

‘NAPANUBU-AN’

Halin sa Php 10-million, ginpahayag napanubuan ang transaksyon sa Php 5-million suno kay Peneza.

Matapos ginbaton sang station manager ang black backpack nga may unod nga kwarta halin sa tagreklamo, ginpahayag nga ginpadala niya ini sa news director kag gilayon sila nga naglakat.

Nakaguwa na sa restaurant ang mga ginreklamo sang gindakop sang mga operatiba.

‘EBIDENSIYA’

Ginpahayag ni Peneza nga nagpositibo sa florescent powder ang station manager.

Ang florescent powder ang ginapatihan nakuha niya halin sa kwarta sa black backpack.

Dugang sini, narecord man sang tagreklamo ang pag-istoryahanay nila sang mga ginreklamo antes sila gindakop.

‘TODO DENY’

Wala pa nakahatag sang opisyal nga pahayag ang mga ginreklamo suno kay Peneza.

Base naman sa Facebook post sang Bombo Radyo GenSan, ginpanginwala ni Macailing ang akusasyon batuk sa ila ni Galano.

Ginpahayag nagpakigkita sanday Macailang kag Galano kay Apolinario bangud plano sang pastor nga magbulig sa proyekto sang Bombo Radyo nga Dugong Bombo.

Preso sa NBI ang mga ginreklamo kag natalana pasakaan sang robbery kag extortion. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Defensor-Tupas tandem sa probinsya sa 2019 elections, dayon na
Next post Councilor Plaridel Nava, nagapang-alang alang magpadalagan sa oposisyon sa 2019 elections