November 29, 2021

Councilor Plaridel Nava, nagapang-alang alang magpadalagan sa oposisyon sa 2019 elections

Read Time:50 Second

Iloilo City – Gin-ako ni Councilor Plaridel Nava nga wala pa gid siya nakadesisyon nga magpadalagan nga vice mayor sang ‘third force’ ukon ang oposisyon sa 2019 elections.

Suno sa konsehal, indi magpasugot ang iya pamilya nga magpadalagan pa siya. Manugtapos na ang termino ni Nava.

Ginbuyagyag ni Nava nga mapadalagan nga mayor sa ila grupo si Dr. Pacita Gonzales kag si Councilor Joshua Alim ang kongresista. May anum naman ka kandidato sa pagka-konsehal ang oposisyon kag nagapanguna sa listahan si Atty. Dan Cartagena.

Nagtinguha kuntani si Nava nga ma-istorya si Mayor Joe Espinosa para sa alyansa kontra kay Cong. Jerry Treñas apang wala nagmadinalag-on bangud konsehal lang ang gintanyag sang alkalde kay Dr. Gold Gonzales. Nagbalibad man suno kay Nava si Espinosa nga ibuyagyag kon sin-o ang iya kandidato sa pagka-congressman.

Kon nadayon kuntani ang alyansa, mapa-iway si Dr. Pacita Gonzales sa pagka-mayor para kay Espinosa, si Dr. Gold Gonzales ang vice mayor kag si Councilor Alim ang kongresista. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 2 ka opisyal sang AM radio station sa GenSan, dakup sa entrapment operation bangud sa ginpahayag pagpangilkil sa pastor
Next post Tricycle, nabungguan sang taxi sa City Proper