(UPDATE) Alyansa sang mga Gonzales kag ni Mayor Joe Espinosa sa 2019 elections, malabo na suno kay Councilor Joshua Alim

Iloilo City–Medyo malabo na ang alyansa sang mga Gonzales kag ni Mayor Joe Espinosa sa 2019 elections.

Ini ang ginpabutyag ni Councilor Joshua Alim kasunod sang pahayag ni Mayor Espinosa nga konsehal lang ang matanyag niya sa mga Gonzales.

Gin-ako sang konsehal nga madamo ang nagalaum nga maga-updanay ang mga Gonzales kag si Espinosa bangud daku ang tsansa nga magdaug ang alkalde apang wala ini naga-contact sa ila grupo.

Bisan si Dr. Pacita Gonzales suno kay Alim ang nadulaan naman sang paglaum nga may alyansa nga matabu.

Ginpahayag ni Alim nga luyag ni Dr. Gonzales nga magtingub sila ni Espinosa batuk kay Congressman Jerry Treñas nga mapadalagan man nga mayor.

Kon madayon kuntani ang alyansa, si Alim ang mapadalagan nga congressman; mayor si Espinosa kag vice mayor si Dr. Gold Gonzales.

Apang sa nahibaluan sang konsehal, may yara na sang napilian nga kandidato sa pagka-vice mayor kag congressman si Espinosa. (AGB)