Mag-abyan, gintiro sa KTV Bar sa Balasan

Iloilo — Pilason ang mag-abyan sang gintiro sa KTV bar sa Balasan kahapon sang kaagahon (September 25). Ginkilala ang mga biktima kanday Mario Miramis, 43-anyos kag Vicente Salbadico, 42-anyos  sang lunsay residente sang Pilar, Capiz nga natiruhan sa Barangay Balantian.

Suno kay Police Inspector Alexander Lauron sang Balasan Police Station,naga-inum-inom sa KTV bar ang mag-abyan sang nag-abot ang grupo sang suspect nga si Jorgie Cubayasi, 26-anyos sang Balantian.

Gulpi lang suno kay Lauron nga ginsumbag sang upod ni Cubayasi si Miramis sa wala mahibaluan nga rason. Ginbuligan ni Salbadico ang abyan kag ginpahayag nga sila gintiro sang suspek.

Nagpalagyo si Cubayasi pagkatapos sang insidente pero nadakpan sa follow-up operation. Narecover sa suspetsado ang 45 caliber pistol nga ginapatihan gingamit sa krimen.  Padayon nga ginabulong ang mag-abyan sa ospital samtang presu na ang suspetsado sa karsel sang Balasan Police Station. (JoMaque)