Police Regional Office 6 kag Iloilo Police Provincial Office, nakamonitor sa posible pagtuhaw sang private armed groups nga gamiton sang pila ka pulitiko sa 2019 elections

Iloilo–Ginamonitor sang Regional Intelligence Division sang Police Regional Office 6 kon may armed groups ukon goons nga mahimo gamiton nga bodyguard sang pila ka pulitiko sa 2019 elections.

Suno kay Senior Supt. Romeo Baleros, chief sang RID, wala sang pamahug sang armado nga mga grupo apang nagapreparar na sila sang temprano agud masiguro nga malinong kag matawhay ang eleksyon.

Gin-ako ni Baleros nga indi madula kon eleksyon nga may pagpang-harass sa mga supporters bangud sang armado nga grupo nga ginahire sang pulitiko.

Nakatutok man ang Iloilo Police Provincial Office sa mga criminal gangs nga posible gamiton sang mga pulitiko suno kay IPPO Director Senior Supt. Marlon Tayaba. (AGB)