December 1, 2021

(UPDATE) Riding-in-tandem nga suspek sa pagtiro patay sa retired army sa Barotac Viejo kahapon, gintudlo nga mastermind sa krimen ang kasimaryo sang biktima

Read Time:1 Minute, 13 Second

Barotac Viejo, Iloilo–May gintudlo nga mastermind ang nadakpan nga riding-in-tandem nga nagsugo sa ila agud patyon ang retired army sa Barangay Santiago, Barotac Viejo kahapon sang hapon, Setyembre 26.

Ginpahayag ni Iloilo Police Provincial Office (IPPO) Director PSSUPT Marlon Tayaba nga sa ila pag-imbestigar sa duha ka suspek nga sanday Sergeant Brian Mullot sang Surigao del Sur kag Corporal Jessie Ensilay sang Siaton, Negros Oriental, gintudlo nila si Servando Andrin nga nagsugo sa ila nga patyon ang kasimaryo sini nga si Joren Bañas sang Barangay San Fernando sa amo man nga banwa.

Nagapati si Tayaba nga nag-ugat ang krimen sang ginpasakaan sang kaso sang pamilya Bañas si Andrin bangud sa pagtiro sini sa utod sang retired army. Si Andrin man ang ginatudlo nga yara sa likod sang paghaboy sang granada sa salakyan ni Bañas  sang Abril subong nga tuig apang wala naglupok.

Away sa duta ang ginatudlo motibo sa krimen suno kay Tayaba.

Si Andrin mismo suno kay Tayaba ang nagkontrata sa duha ka suspek kag ginpahayag naghatag sang salakyan agud patyon ang retired army.

Tinguhaan sang IPPO nga ma-file ang kaso batuk sa mga suspetsado antes mag-expire ang 36 oras nga detention period. Naga-coordinate man si Tayaba sa commander sang 5th Marine Battalion Landing Tteam nga nagabase sa Palembang, Sultan Kudarat agud magkuha sang impormasyon angut sa duha ka suspetsado.

Natukiban sa mga narecover nga IDs nga miembro sang Philipine Marines ang mga nadakpan. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga criminal gangs nga posible mangin private armed groups, ginatutukan sang IPPO
Next post Councilor Plaridel Nava, nagplastar sang mga puntos kon ngaa wala nagpabor sa resolution nga nagpahanugot sa Leganes LGU nga mag-ula sang basura sa Calajunan dumpsite