Mga criminal gangs nga posible mangin private armed groups, ginatutukan sang IPPO
IPPO Headquarters, Sta. Barbara, Iloilo — Ginatutukan sang Iloilo Police Provincial Office ukon IPPO ang criminal gangs nga posible mangin private armed groups sa 2019 midterm elections.
Ini ang ginpasiguro ni IPPO Director PSSUPT. Marlon Tayaba kasunod sang pahayag sang Regional Intelligence Division sang Police Regional Office 6 nga gina-monitor nila ang private armed groups ukon goons nga posible gamiton sang mga pulitiko sa masunod nga tuig nga election.
Gin-ako ni Tayaba nga may na-monitor sila nga grupo sa 4th kag 5th districts nga ginpahayag nagkalabilin nga miyembro sang “Balume Group” nga naga-operate sa Northern Iloilo.
Kon wala sang private armed groups suno kay Tayaba, pat-od nga mangin malinong kag matawhay ang election. (JoMaque)