Lalaki, ginpreso matapos ginreklamo nga nanghurikap sa pribado nga parte sang lawas sang 25-anyos nga babaye sa Arevalo
Sto.Niño Sur– Prisuhan ang gintup-an sang lalaki nga ginpahayag nanghurikap sa pribado nga parte sang lawas sang 25-anyos nga babaye sa Villa Baybay Resto Bar kagab-i (September 30).
Suno sa tagreklamo nga si alyas Isa, nagatindog siya sa atubang sang CR sang hinali lang ginhurikap ni alyas Bert ang iya private part.
Suno pa kay Isa, wala siya naghuna-huna nga may himuon nga kabastusan ang ginpahayag naka-inum nga suspetsado.
Ginpanginwala naman ni Bert ang akusasyon ni Isa.
Suno kay Bert, nasalapay niya lang ang pribado nga parte sang lawas ni Isa. (JoMaque)