Ginakabig HVT drug personality, patay matapos ginpahayag nagbatu sa pulis sa drug bust operation sa Buenavista, Guimaras
Sto. Rosario– Patay ang subject sang drug bust operation kag ginakabig high value target drug personality matapos ginpahayag nagbato sa kapulisan.
Ginkilala ang subject kay Jose Solon alyas Tatang Joe, 50-anyos.
Suno kay Senior Inspector Kennith Bermejo, team leader sang Regional Drug Enforcement Unit ukon RDEU, madugay na sa drug watchlist sang Region 6 si Solon kag ginapatihan downline kag tirador ni the late PDEA identified drug group leader Melvin Odicta.
Nakuha kay Solon ang 4 ka sachets sang suspected shabu kag P500 nga buy bust money.
Gindala pa sa ospital si Solon apang gindeklarar nga dead-on-arrival. Apat ka lupok ang nabatian antes nasapwan nga dugoon si Solon.
Narecover sa crime scene ang isa ka .45 caliber pistol nga loaded sang 5 ka bala, isa ka basiyo sang 45 kag basiyo sang .9mm pistol.
Gin-conduct sang PDEA, Buenavista Guimaras MPS kag RDEU ang operasyon. (JoMaque)