10 ka tuig nga bata nga lalaki nga una ginreport na-missing matapos naanod sa suba sa Tubungan, nasapwan sa kalalawran sa tunga sang Guimaras kag Negros Occidental

Nasapwan si Allan Jake sa kalalawran sa boundary sang Guimaras kag Valladolid, Negros Occidental sang Setyembre 28.

Ang amay mismo ni Allan Jake ang nagkunfirmar nga bata niya ang nasapwan paagi sa bayo nga iya nasuksok suno kay Talamillo.

Nahamyang subong si Allan Jake sa punerarya sa Bago City.

Natalana magkadto sa Negros Occidental ang pila sa pamilya Tabal bwas, Oktubre 1,para asikasuhon ang mga dokuemento agud madala ang bangkay ni Allan Jake sa Iloilo.

Nag ayo man siya sa iya ginikanan nga baklan siya sang dako nga bola sa iya ika 11 nga birthday.

Suno sa iloy nga si Jonalyn Tabal, antes pa matabo ang insidente, nanotaran niya nga malayo na ang pinsar ni Allan Jake , nagapalang luya, kag nagalipung lipong nga wala sang rason.  Nagapati ang iloy nga senyales na ini sang kamatyon sang bata.

Ginlaragway sang iloy si Allan Jake nga mabuot.

Mensahe naman sang iloy sa iya: “pila ka adlaw nga wala ko tana nakita. Nahidlaw dun ako. Kun diin ka man to, nalipay man ko kay tingob na kamo ni Lola mo kag mahatagan ka sang maayo nga lubong. Palangga ka gid namon.”

Nagakasubo ang pamilya ni Allan Jake apang ginkalipay nila nga nakita ang bangkay sang bata.

Kuhaon bwas sang pamilya ang bangkay ni Allan Jake sa Negros.

Si Allan Jake ang subang sa tatlo ka bata ni Jonnalyn.

Nauna na nga ginreport nga asapwan na ang 10-anyos nga bata nga naanod upod sa iya 64-anyos nga lola sang nagpanarap sila sa Jarao River sa Barangay Daga-ay, Tubungan.

Suno kay SPO4 Lunelyn Talamillo, deputy chief of police sa Tubungan Municipal Police Station, sa advance state of decomposition na ang bangkay ni alyas Allan Jake, pumuluyo sang Brgy. San Vicente, Tubungan sang nasapwan sang Bantay Dagat. (JoMaque)