Mayor Joe Espinosa, may mensahe sa ginpahayag pag-harass ni Cong. Jerry Treñas sa assistant department head sang City Hall

Iloilo City–Kun may isyu si Congressman Jerry Treñas kay Mayor Joe Espinosa, indi na pagdalahigon sang kongresista ang mga empleyado sang City Hall.

Ini ang mensahe ni Espinosa kasunod sa ginpahayag pag-harass sang kongresista kay Assistant Department Head Dolly Zuluaga sang City Planning Office.

Suno sa alkalde, ginkonsulta ni Zuluaga si Treñas sang nagligad nga semana nahanungod sa P16M comprehensive repair project sa mga opisina malapit sa Sunburst Park pareho sang Congressman’s Office, Bureau of Customs, kag Bureau of Fire Protection.

Apang ginpahayag ginhura-hura sini si Zuluaga, ginkuha ang ID kag ginpa-photocopy para nga kasuhan. (AGB/JV)