(PULSO PULITIKA) Plano ni Councilor Plaridel Nava sa 2019 elections, i-anunsyar suno subong nga semana

Iloilo City–I-anunsyar ni Councilor Plaridel Nava subong nga semana ang iya desisyon kon mapadalagan gid man sa pagka-vice mayor sang opposition group.

Sa subong, suno sa konsehal, may anum pa lang ka konsehal sa ila grupo pero para sa iya, bastante na ang numero sang ila mga kandidato. 

Pila sa mga gin-identify ni Nava amu sanday Atty. Dan Cartagena, Judgie Alim, Rolando Dabao kag isa ka retired principal.

Wala naman suno sa iya sang epekto sa oposisyon ang pag-anunsyar sang grupo ni Mayor Joe Espinosa nga mapadalagan sa pagka-kongresista si anay Councilor Perla Zulueta kag ang pagsaylo sang pila ka incumbent councilors sa linyada sang alkalde. (AGB/JV)