Masobra 400 ka pulis, gin-deploy sa reopening sang Boracay Island
Boracay Island, Aklan – Masobra 400 ka mga pulis ang gin-deploy sa Boracay Island agud ipasiguro ang seguridad para sa liwat nga pagbukas sang isla sa mga turista subong nga adlaw, Oktubre 26.
Suno kay Philippine National Police Chief P/Director General Oscar Albayalde nga yara subong sa Boracay Island nga magapabilin sang peace and order ang nasambit nga numero sang mga pulis sa isla.
Ginpahayag naman ni Police Regional Office 6 Director Chief Supt. John Bulalacao, ginalauman na nila nga mangin mataas ang insidente sang krimen may kaangtanan sa pagdagsa sang mga turista sa isla kabangdanan nga ginpasangkad ang counter-terrorism operations para sa pagbukas sang isla.
“Since this becomes now an attractive area for the ISIS, we do not want to be alarmists, but we are preparing for possible incidents involving terrorism,” Suno kay Bulalacao.
Madumduman, ang tourist spot ang nangin target man sang mga terorista bangud sa madamo nga turista nga nagapadulong sa lugar kada adlaw. (JoMaque)