Sara police, nakabaton sang pamahog nga mabalos ang pamilya Salcedo pagkatapos sang lubong sang ila himata

Sara, Iloilo — Liwat nga nakabaton sang pamahog ang kapulisan sa Sara kasunod sang operation batok sa mga Salcedo kag iban pa nga personalidad sang Oktubre 17.

Suno kay Police Senior Inspector Ascension Ortizo, hepe sang Sara Municipal Police Station, nakabaton sila sang impormasyon nga mabalos ang mga Salcedo sa natabo sa ila kon malubong na ang ila himata.

Napatay sa one time, big time police operation ang bata ni ex-Mayor Neptali Salcedo nga si dismissed SPO4 Ricky Saledo kag apo sini nga si Nixon “TJ” Salcedo Jr.

Indi pa maathag kay Ortizo kon sin-o ang balusan apang nagpasalig siya nga panilagan ang sitwasyon kag nakahanda man sila sa posible nga matabo. (JoMaque)