Asawa nga nagbuno sang ballpen sa iya bana kag ginpahayag kerida sa Molo, nakaguwa na sa prisuhan

Molo, Iloilo City – (UPDATE) Nakaguwa na sa prisuhan kahapon (Nobyembre 7) si alyas Lyn nga nagbuno sang ballpen sa iya bana kag ginpahayag kerida sa Molo matapos nag-expire ang iya reglementary period.

Wala makapasaka sang kaso si alyas Rico kag iya kerida nga si alyas Rina kabangdanan ginpaguwa sang Molo Police si alyas Lyn.

Samtang, nakaguwa man sa ospital sanday Rico kag alyas Rina kahapon.

Kun madumduman, mangayo kuntani sang kwarta sa ila amay sanday Nonoy upod ang iya manghod kag iloy sang gulpi lang siya ginwara-wara ni Rina, ginkuga kag ginlampusan sang silhig.

Napatup-an ni Nonoy si Rina apang gin-apinan siya sang iya amay kag ginsumbag sila sang iya manghod.

Sang nakita sang iya iloy ang pagsumbag, nagkuha si Lyn suno sa iya sang ballpen kag ginbuno si Rina kag ang iya amay.  (JoMaque)