Casual employee sang LGU-Leon, patay sang nakuryente samtang nagapangtakod sang streamer

Leon, Iloilo – Patay ang casual employee sang Local Government Unit (LGU)-Leon sang nakuryente samtang nagapangtakod sang streamer sa Barangay Talacuan, pasado-ala una sang kahapon sang hapon, Nobyembre 13.

Suno kay Inspector Jose Romel Samson, hepe sang Leon Municipal Police Station, ginkilala ang napatay kay Jose Giovannie Cabal, 27 anyos sang Barangay Pandan.

Base sa imbestigasyon sang Leon police,nasalapay ni Cabal ang live wire sang poste gani nakuryente.

Nadugayan pa nga nakuha sa poste ang lalaki sang nakuryente.

Gindala pa ini sa ospital apang gindeklarar nga patay sang doctor. (JoMaque)