Mga pulis sa Anilao MPS nga gin-relieve matapos naabtan nga nagakatulog sa inspeksyon sa police station, ipaidalum sa retraining

Iloilo — Seryoso ang pamunuan sang Iloilo Police Provincial Office nga pasabton ang mga pulis nga may kakulangan sa ila responsibilidad.

Pahayag ini ni IPPO Director Senior Supt. Marlon Tayaba kadungan sa pag-confirmar nga gin-relieve niya ang 27 tanan ka pulis sa Anilao Municipal Police Station lakip ang hepe nga si Senior Inspector Menrico Candaliza sugod kahapon, Disyembre 7.

Kasunod ini sa pagkadakup ni National PoliceCommission 6 Director Atty. Joseph Celis sa anum ka on-duty nga pulis nga tulog sa iya surprise inspection sang Disyembre 6 sang kaagahon.

Suno kay Tayaba, nahangpan niya nga kinahanglan man magpahuway sang mga pulis pero indi ensakto nga dungan ang pagpahuway.

Ipa-idalum suno sa iya sa retraining ang gin-relieve nga mga pulis      Ginpasiguronaman ni Tayaba nga kumpleto na ang numero sang mga pulis nga nagbulos saAnilao.

Ginbutang nga bag-o nga hepe si Chief Inspector Ciriaco Esquiliarga, ang anay hepe sa Batad Police Station. (JoMaque) via AksyonFiringline)